شرح الاشتراك فى خدمة "المحفظة الذكية" من بنك CIB عن طريق سوبر فوري
خدمة المحفظة الذكية smart wallet المقدمة من البنك التجاري الدولى اكبر بنوك القطاع الخاص فى مصر بنك CIB ,تقدر من خلال المحفظة الذكية تحول فلوسك لاى رقم مشترك فى خدمة المحفظة الذكية ويقوم المستلم بسحب المبلغ من اى فرع يحمل علامة فوري او سوبر فوري باقل رسوم فى مصر وكمان تقدر تدفع فواتيرك وتشحن رصيدك فى اقل من دقيقة بدون استغلال ,والتمتع بجميع خدمات شركة فوري وهيكون معاك جميع داتا مصر كلها زي الاستعلام عن الفواتير لجميع الشركات وغيرها وكمان يمكنك التمتع بخدمة بطاقة اونلاين للشراء من الانترنت مره واحده فقط والحد للبطاقة 3000 جنية بما يعادل 175 دولار بسعر بيع البنك اليوم ,وغيرها من المميزات الاخري .
شرح الاشتراك فى خدمة المحفظة الذكية عن طريق سوبر فوري + الاوراق المطلوبة
1- يجب وجود خط محمول لاى شبكة (فودافون - اتصالات - اورنج) ويفضل ان يكون مسجل باسمك
2- وجود بطاقة رقم قومى للمصريين سارية او جواز سفر بالنسبة للاجانب
3- وجود بريد الالكترونى
4- عدد 1 صورة شخصية حديثة 4×6
شرح طريقة السحب والايداع
1- يتم الايداع عن طريق اى فرع يحمل علامة فوري ويتم السحب ايضاً من اى فرع يحمل علامة فوري
2- يتم السحب والايداع من ماكينات ATM بنك CIB
3- يتم الايداع من كروت ائتمان بنك CIB
شروط فتح الحساب لدى محل فوري ابوكبير اون لاين
1- اولا فتح الحساب مجانا بدون اى مقابل
2- استلام الحساب فوراً بعد التسجيل مباشرة
3- يمكنك شحن حسابك فوراً بعد التسجيل وايصال الايداع بالاسفل
4- بعد فتح الحساب سيتم ارسال كود التفعيل Smart Wallet
Activation Code is 1111111
5- حمل التطبيق المحفظة الذكية
6- بعد تحميل التطبيق ادخل رقم الهاتف ثم رقم التفعيل ثم اختار رقم سري PN ومبروك الحساب
7- يفضل شحن المحفظة ثانى يوم من الاشتراك وصورة ايصال الشحن بالاسفل
8- اتفرج على الفيديو بالاسفل لتوضيح الخدمة اكثر
9- لاى مشكلة بالمحفظة اتصل على 19716 او 19666 (احتفظ بالرقم)
10- لاى مشكلة عند الشحن من فوري اتصل على 16421 (احتفظ بالرقم)
شرح بطاقة اون لاين للشراء من الانترنت
مع التطور التكنولوجي اختلف التعاملات البيع والشراء النقدى وتحولت الى نظام الكترونى يتحكم فيه المعاملات البنكية والرقمية وخلال السنوات السابقة عند الشراء من الانترنت يجب الحصول على بطاقة فيزا انترنت او ماستركارد مسبقة الدفع او مربوطه بحساب بنكي ويجب ان يكون سن حامل البطاقة لا يقل عن 21 سنة ومع مرور الوقت اصبحت البطاقة الفيزا العادية اكثر خطورة من السابق بحيث كثرة سرقة بيانات البطاقات الالكترونية من خلال مواقع القرصنه او الهكرز او مواقع بيع وشراء مشبوهه تقوم بأدخال البيانات للشراء وبعدها تصدم عندما تعلم ان البطاقة قد سرقت بالكامل
واخيراً ظهرت البطاقة الالكترونية الرقمية فى المحفظة الذكية ؟
يعنى ايه رقميه يعنى الارقام بتختلف فى كل تعامل على الانترنت .... يعنى ايه مش فاهم ... يعنى لو حابب تشتري سلعة من الانترنت بتدخل على المحفظة الذكية وتشتري بطاقة اون لاين بثمن السلعة .. مثلا اذا كنت حابب تشتري سلعة من الانترنت بثمن 10 دولار بتدخل على موقع cib اسعار العملات ومن قائمة سعر الدولار تبحث عن سعر البيع وليس الشراء مثلا اذا كان سعر البيع 18 جنية بتضرب ال18 فى 10 ثمن السلعة اللى على النت بيطلع 180 جنية تمام لحد هنا هتدخل بقه على المحفظة الذكية تشتري بطاقة اون لاين بثمن 180 جنية بتاخد بيانات البطاقة وتشتري السلعة من النت
تنوية : يجب زيادة ثمن شراء البطاقة عن 180 جنية ويجب ادخال 185 جنية لضمان وجود 10 دولار بالبطاقة حتى لا تفشل العملية وللعلم البطاقة بتستعمل مرة واحده بس .. يعنى ايه .. لو فشلت الشراء مش هيروح عليك المبلغ اللى فى البطاقة ولكن ممكن تشتري من اى موقع تانى بس فى خلال 24 ساعة من وقت الشراء او انتظر وسوف يعود المبلغ مره اخري الى حسابك .. علشان كده بتقول زود مبلغ الشراء حتى لو 190 جنية ولو جيت تحسبها انت الكسبان .. بطاقة الفيزا العادية عليها رسوم 1% ورسوم تجديد وكمان لو رحت لوسيط ممكن يتنصب عليك او يحاسبك بسعر 21 جنية لكل واحد دولار
ماذا يحدث إذا طلبت الكرت الائتماني ولم استخدمه؟
سوف يتم خصم رسوم قيمة الكارت ولكن لن تتأثر المحفظة ولن يخصم منها أي مبلغ أخر ,وبعد انتهاء 24 ساعة مدة صلاحية البطاقة سيتم ارجاع المبلغ مره اخري الى محفظتك
افضل مواقع للشراء من الانترنت
(امازون - على بابا - على اكسبريس - ايباى - وغيرها)
من الاخر هتضمن شراء سلعة ارخص ميت مره من الموجوده فى مصر ولكن يجب شراء السلع الضرورية فقط للحفاظ على النقد الاجنبي
