الجوالات الجوالات ، اسعار الجوالات في السعودية ، اسعار الموبايلات ، عروض الجوالات فى السعودية ، جوالات سامسونج ، سوق الجوالات ، اسعار الجوالات ، الجوالات aljawalat ، الجوال ، جوالات ، احدث الجوالات
QNB bebasata حساب ببساطة من QNB الأهلي بالتفصيل
منصة “QNB bebasata” توفر باقة من المزايا لعملائها، منها إلغاء كافة رسوم فتح الحساب، ورسوم إصدار بطاقات الخصم والائتمان مع تقديم معدلات عائد أعلى على حساب التوفير، ومعدلات عائد تنافسية على الودائع والقروض، وإتمام المدفوعات وتحويل الأموال بدون عمولات ومصروفات مخفضة.
كما أن حساب bebasata التابع لبنك قطر الوطني QNB يقدم كافة العمليات المصرفية دون الحاجة لزيارة الفرع أو الاتصال المباشر بأي من موظفي البنك، كما يستطيع أي عميل ربط حساباته المصرفية في البنوك الأخرى من خلالها والتحويل من حساب إلى آخر.
كما تتضمن منصة QNB bebasata عدم فرض أي مدفوعات سنوية على البطاقات المصرفية أو رسوم تجديد البطاقات وغيرها من الخدمات.
بنك QNB الأهلي يطلق أول منصة رقمية QNB bebasata
ما هو bebasata ؟ ثورة التجربة الرقمية البنكية في مصر
QNB bebasata يعمل تحت مظلة QNB ALAHLI وهو جزء من مجموعة QNB , لم يعد التفكير في تجربة مصرفية كاملة بدون فروع بنكية شيئًا من الخيال. bebasata هو أول تجربة بنكية رقمية شاملة في مصر يقدم تجربة مصرفية كاملة خالية من المتاعب للعملاء فقط من خلال القنوات الرقمية (بدون فروع بنكية) ومشاركة ميزة التكلفة المتمثلة في عدم وجود فروع بنكية مع عملائه من خلال تقديم رسوم اشتراك صفرية ، ورسوم تجديد صفرية وأسعار فائدة تفضيلية .
بنك QNB الأهلي يطلق أول منصة رقمية QNB bebasata
منصة ببساطة QNB bebasata تقدم خدمات بدون تكلفة وتتمتع بأسعار فائدة مميزة عن الأسعار الموجودة في فروع البنوك، وهو ما يستهدفه البنك أن تدعم المنصة الشمول المالي وتحقيق التحول الرقمي.
منصة QNB bebasata توفر باقة من المزايا لعملائها، منها: إلغاء كافة ورسوم فتح الحساب ورسوم إصدار بطاقات الخصم والائتمان مع تقديم معدلات عائد أعلى على حساب التوفير ومعدلات عائد تنافسية على الودائع والقروض وإتمام المدفوعات وتحويل الأموال بدون عمولات وبمصروفات مخفضة.
حساب bebasata كله مميزات !
حسابك ببلاش و من غير أي مصاريف ! مع bebasata مفيش اى مصاريف فتح حساب هتدفعها.
الرسوم والعمولات مع بساطة QNB bebasata
حدود إستخدام الكروت
استخدم أجهزة الصراف الآلي التابعة لـ QNB الأهلي مجانًا!
استخدم أجهزة الصراف الآلي التابعة لـ QNB الأهلي مجانًا! فى كل معاملاتك المالية، وخاصة إيداع / سحب الفلوس!
كشف الحساب QNB bebasata حساب ببساطة
راجع معاملاتك البنكية اللي تمت على حسابك او كارتك الائتماني في أي وقت من خلال كشف الحساب الالكتروني اللي هتقدر تبعته على بريدك الالكتروني عن طريق استخدامك للانترنت البنكي/ تطبيق الموبايل.
سهل جداً تفتح حساب في bebasata !
تقدر تستخدم كارت الخصم اللا تلامسي من bebasata سواء في السحب من ماكينات ATM أو في التسوق!
سجل بياناتك فوراً بنموذج طلب bebasata
هتحتاج بس دقيقتين عشان تكمل الطلب بتاعك و بعدها على طول بنحدد ميعاد الزياره ليك
حدد ميعاد زيارتنا ليكهنتصل بيك قبل أن نقوم بزيارتك وأثناء الزيارة سيتم توقيع العقد وفتح حسابك وهنسلمك الكارت بتاعك. وهنرد علي أي استفسار عندك.
خدمة befast
عمليات مفضلة: بتساعدك تسجل بسهولة عمليات التحويل المفضلة او المتكررة علشان تسرعلك تنفيد العملية المرة الجاية . و كمان ممكن تلغيها في أي وقت لو انت مش محتاجها تاني
bebasata
حمل تطبيق QNB bebasata
لتحميل تطبيق ببساطة QNB لمستخدمي الاندرويد
لتحميل تطبيق ببساطة QNB لمستخدمي الايفون
شاهد ايضا : فيزا يلا باي البريد المصري Yalla Pay وربطها مع paypal
الأسئلة الشائعة حول QNB bebasata حساب ببساطة
فتح حساب bebasata
ايه هي bebasata ؟
البنك حاليا بيوفرلى خدمات الانترنت والموبايل البنكي، ايه اللي يخليني اغير البنك ؟
- انت مش محتاج تغير بنكك عشان تكون عميلنا. كل اللي عليك أنك تفتح حساب معانا وتستمع بمميزاتنا زي ان مافيش اي مصاريف اشتراك ولا مصاريف دورية ولا عمولات ده غير ان منتجاتنا وخدماتنا البنكية الديجتال كلها مميزات اللي تقدر تخلى تجربتك البنكية اذكى وأسهل.
الحسابات
هل اقدر افتح حساب ببساطة و انا عندي حساب في QNB ALAHLI من قبل كدة و لا لازم اختار واحد بس منهم؟
- لا مش لازم تختار واحد منهم انت تقدر يبقى عندك الحسابين. و ده عشان كل واحد بيقدم تجربة بنكية مختلفة عن التاني و منفصلة عنه. و كمان كل حساب هيدار بشكل منفصل عن التاني لان مميزات و شروط الخدمات و المنتجات مختلفة.
ايه الاختلاف بين QNB bebasata و قنوات QNB ALAHLI الرقميه (الانترنت البنكى/الموبايل ابليكشن) ؟
- الانترنت البنكى/الموبايل ابليكشن الخاصين ب QNB ALAHLI بيسمحوا للعملاء انهم ينفذوا عمليات البنكية كتيرة بشكل الكتروني وعن بعد بدل زيارة فروع QNBALAHLI بس فيه بعض عمليات ومعاملات بنكية تانية بتشترط وجود العميل في الفرع عشان تتنفذ.
- على العكس احنا صممنا خدمات bebasata الالكترونية علشان ما تضطرش تزور فروع فعلية لأننا بنتبع فكر اللا فروع في كل المراحل سواء من بداية رغبتك انك تكون عميل او بعد ما تبقى عميل و حتي في التقديم على أي منتج او خدمة و تنفيذ معاملاتك البنكية.كل حاجة بتتم وانت في مكانك وبشكل الكتروني.
ايه هي QNB Bebasata وايه الجديد اللي هتقدمه لينا ؟
- مع تحقيق هدف اننا نكون اول خدمة بنكية ديجتال في مصر نقدر نقدملك من خلالها تجربه بنكية رقمية كاملة، QNB ALAHLI بيقدملك اول خدمه بنكيه ديجتال اللي هتكون بداية عصر جديد في الخدمات المصرفية الديجيتال.
- شعارنا اننا نقدم أحسن تجربة بنكية اللي من خلالها يقدر عملائنا انهم يستمتعوا بأذكى وابسط واريح تجربة بنكية الكترونية. حمل دلوقتي التطبيق بتاعنا او ادخل على موقعنا الالكتروني bebasata.qnbalahli.com و هنبقى سعداء جداً انك تكون عميلنا.
هل أقدر افتح حساب شركات هنا ؟
- حاليا، تقدر تفتح حساب شخصي بس.
انا بالفعل عميل QNB ALAHLI، اعمل ايه عشان أكون عميل هنا ؟هل لازم املئ نموذج فتح الحساب علشان أكون عميلكم؟
- سواء كنت عميل او مش عميل QNB ALAHLI، لازم تملئ نموذج طلب فتح حساب في هنا علشان تكون عميلنا وتستفيد من مميزاتنا الحصرية.
ازاى أقدر أكون عميل bebasata؟ هل لازم أفتح حساب الأول في فرع QNB ALAHLI ؟
- لا مش لازم. ببساطة كل اللي عليك تعمله إن تملأ طلب انك تكون عميل من على موقعنا او على تطبيق الموبايل وبعد كده هيجيلك مكالمة مننا عشان نحدد معاك ميعاد لزيارتك (وده هيكون لمرة واحدة بس) عشان تمضي على النموذج و تستلم كارت الخصم المباشر في وقتها وبكده انت هتكون عميلنا و تقدر تستمع بمميزتنا.
ايه هي الأوراق المطلوبة لفتح الحساب ؟
- بشكل عام، انت هتحتاج:
- بطاقة شخصية سارية او جواز سفر ساري للأجانب (للبالغين فقط)
- فاتورة مرافق جديدة (غاز – كهرباء – مياه)
- مستند بمصدر المال وأقامه سارية للأجانب
- البنك له حق في انه يطلب مستندات تانية.
هل الأجانب يقدروا يكونوا عملاء؟
- الأجانب الى عندهم إقامة سارية، يقدروا يكونوا عملاء عندنا من غير أي مشكلة.
هل اقدر أسلم فلوس لحد من فريق bebasata في وقت الزيارة عشان يودعها في حسابي ؟
- لا للأسف دة غير متاح، فريقنا هيساعدك بس عشان تمضي على النموذج ويعرفك على معلومات اكتر عننا. لكن انت تقدر تودع فلوسك بنفسك في ماكينات الصراف الالي QNB ALAHLI.
هو فيه اى مصاريف اشتراك او مصاريف دوريه لمنتجات او خدمات QNB bebasata؟
- مفيش اى مصاريف اشتراك او مصاريف دوريه لمنتجات او خدمات QNB bebasata
اعمل ايه لو الكارت اتسرق او ضاع مني؟
- لازم توقف تفعيل كارتك فورا من تطبيق الموبايل/ الانترنت البنكي او كلم 16607 مركز دعم العملاء.
ازاى أقدر ازود حد كارت الائتمان الخاص بيا ؟
- لازم تقدم طلبك عن طريق [email protected] وهيتم تقييم طلبك بناء على معايير ائتمان البنك وهيتم تنفيذه إذا كان متوافق للشروط؛ ولو الطلب ماتقبلش، حيتم ابلاغك عن طريق البريد الإلكتروني او بإشعار و ممكن تكلم مركز دعم العملاء 16607 عشان تعرف معلومات اكتر.
هل أقدر استخدم كارتي الائتماني بره مصر وعلى مواقع الكترونية دولية؟
- طبعاً، تقدر تستخدم كارتك الائتماني في الشراء والسحب الكاش في مصر و في الخارج كمان وعلى مواقع الكترونية الدولية و المحلية. وعشان تعرف معلومات اكتر عن لحدود الاستخدام، اتصل بينا على 16607.
في حالة لو سفري برا مصر، ازاي اتاكد ان كارتي شغال هناك؟
- اتصل ب 16607 مركز خدمة العملاء قبل سفرك عشان تسيب بيانات السفر و تتأكد ان الكارت شغال مضبوط برا مصر.
اقدر ارجع لحد أي تاريخ لمراجعة معاملات حساباتي؟
- تقدر تراجع معاملات حسابتك لحد سنه فاتت؛ ولو عايز ترجع لمدة اكتر من سنة، تقدر ترجع لكشف الحساب الالكتروني علشان تراجع المعاملات القديمة.
ليه الحساب الجاري متوفر بالدولار و اليورو بس ؟
- ده لأننا وقت ما صممنا منتجاتنا كنا واخدين في اعتبارنا الاحتياجات والمنتجات والخدمات الأساسية اللي اكتر حاجة بتسخدمها. عشان كده وفرنا اكتر عملات اجنبية بتستخدم في مصر. بس في المستقبل، ممكن نقدم عملات اجنبية تانية على حسب احتياجاتك البنكية.
ازاى أقدر اتابع واتحكم في حساباتي ؟
- تقدر تتابع وتتحكم في حساباتك من خلال الانترنت البنكي وتطبيق الموبايل عن طريق مراجعتك لحركاتك وعملياتك البنكية. ده غير أنك تقدر تراجعها من خلال كشف الحساب الالكتروني.
ازاى أقدر أودع فلوس في الحساب الجاري؟
- انت تقدر تعمل تحويل بنكي الكتروني من حسابتك التانية. وكمان تقدر تستخدم ماكينات الصراف الالي من QNB ALAHLI اللي بتقبل الإيداع عشان تودع فلوسك في حسابك الجاري اللي بالجنيه المصري.
- بما اننا بتقدم الخدمات من خلال قنوات الكترونية، فاستخدامك لفروع QNB ALAHLI هيكون في حالات استثنائية جدا زي ما هو موضح هنا:
- لإيداع / سحب الكاش بمبالغ أكبر من حد كارت الخصم المباشر
- لإيداع/ السحب الكاش للعملات الاجنبية
ايه هو الحد الأدنى لفتح الحساب الجاري؟
- الحد الأدنى لفتح الحساب هو 1 جنيه
ازاى أقدر أطلب كشف حساب بنكي مختوم او أي مستند بنكي رسمي؟
- تقدر تطلبه من خلال ارسال بريد الكتروني ل [email protected] من بريدك الالكتروني المعتمد المتسجل عندنا
ازاى أقدر افتح حساب جارى هنا؟
- بمجرد ما بتكون عميلنا الحساب الجاري المصري بيتفتح تلقائي. لو عايز تفتح حساب تانى بالدولار او اليورو بعد ما بقيت عميلنا، انت تقدر تعمل ده ببساطة من خلال الانترنت البنكي او تطبيق الموبايل.
هو فيه كشف حساب الكتروني لحساباتي؟
- اه تقدر يبقى عندك كشف حساب الكتروني منفصل لكل حساب من خلال الانترنت البنكي وتطبيق الموبايل.
ايه هو الحساب الجاري؟
- ده حسابك الاساسي اللي بتتم عليه كل معاملاتك البنكية. هو حساب مش بيقدم فايدة، لكن تقدر تستمتع من خلاله بعمليات سهلة وسريعة. ده غير إنك تقدر تستخدم فلوسك في أي وقت من خلاله سواء كان في التحويلات او المدفوعات بطريقة بسيطة و ذكية.
هو في أي مصاريف فتح حساب او اى مصاريف دورية ؟
- لا مفيش أي مصاريف لفتح الحساب او حتى مصاريف دورية على منتجاتنا.
ازاى أقدر اشوف حركة معاملات حساباتي واتابعها؟
- تقدر تلاقي حركة المعاملات على كشف الحساب الالكتروني او على ايصال حركة المعاملة على تطبيق الموبايل او الانترنت البنكي.
الفايدة ببتحسب على حساب التوفير في نهاية كل الشهر ولا يومياً ؟
- الفايدة بتتحسب بشكل يومي على رصيد نهاية اليوم وبيتم اضافتها في الحساب شهرياً .
ايه هو حساب التوفير وايه هي مميزاته؟
- ده حساب فايدته بتتحسب بشكل يومي وبتنزل في الحساب شهريا. كمان تقدر تفتح اكتر من حساب توفير وتسمى كل حساب على حسب اهدافك الادخارية.
هل أقدر استخدم حساب التوفير في عمليات الشراء والأونلاين وغيره…؟
- للأسف، انت متقدرش تعمل عمليات شراء من حساب التوفير لكن تقدر تستخدم كارت الخصم المباشر اللي مربوط بالحساب الجاري بالجنية المصري عشان. وده عشان يساعدك تحوش اكتر في حساب التوفير.
ليه ما قدرش دايما انفذ كل أنواع العمليات من حساب التوفير؟
- احنا لما صممنا حساب التوفير كان هدفنا إنك تحوش اكتر، عشان كده خلينا الدفع او الصرف منه أصعب شوية. لكن لو عايز تستخدم فلوسك اللي في حساب التوفير، لازم تحول فلوسك من حساب التوفير لحساب الجاري بالجنية المصري وبعدين تسحبها من ماكينة الصراف الألى. وبالطريقة دي، احنا بنخليك تفكر كويس قبل ما تصرف فلوسك اللي محوشها، وعشان كل ما تحوش اكتر كل ما الفايدة على فلوسك بتكتر من خلال الفايدة المتزايدة.
هل الفايدة مش بتزيد حتي لو حوشت فلوس اكتر؟
- احنا وفرنا شرايح في حساب التوفير عشان نساعدك تحوش اكتر. وعشان كده كل ما تحوش اكتر كل ما تاخد فايدة أكبر.
هل في حد أدني لفتح حساب التوفير؟
- الحد الأدنى لفتح حساب التوفير 1 جنيه؛ انت مش محتاج مبلغ كبير عشان تقدر تحوش. نيتك كفاية.
هو في أي مصاريف فتح حساب او اى مصاريف دورية ؟
- لا مفيش أي مصاريف لفتح الحساب او حتى مصاريف دورية على منتجاتنا.
لما تنتهي مدة الوديعة، ايه هي الاختيارات المتاحة؟
- انت عندك 3 اختيارات:
- تضاف أصل الوديعة + الفايدة لحسابك.
- تختار أصل الوديعة يتجدد تلقائي.
- تختار أصل الوديعة + الفايدة يتجدد تلقائي.
ازاى أقدر انشأ وديعة؟
- تقدر تعمل وديعة فورا ًبمجرد ما تحدد المبلغ والمدة عن طريق تطبيق موبايل او الانترنت البنكي .
هل في حد أدني عشان أقدر انشأ الوديعة؟
- الحد الأدنى هو 1000 جنيه عشان تنشأ الوديعة وتقدر تزودها بأي مبلغ.
ايه هي الودايع وايه هي مميزاتها؟
- الودايع هي أفضل اختيار لخطة التوفير في مدة زمنية قصيرة بالجنيه المصري بسعر مميز جدا. تقدر تنشأ وديعة وتاخد فايدة تنافسية في نهاية مدة الوديعة. وعشان تستفيد بالفايدة لازم تفضل محافظ على الوديعة لتاريخ استحقاقها؛ كمان تقدر تسمى الودايع بناءا على اهدافك للتوفير. و بنقدملك مدد مختلفة من الودايع 6،3،1 شهور بسعر عائد ثابت. ده غير انك ممكن تجديد الوديعة اوتوماتيكيا.
هل أقدر انشأ اكتر من وديعة ؟
- اه تقدر تعمل اكتر من وديعة وتسميها على حسب اهدافك للتوفير.
هل أقدر اكسر الوديعة في أي وقت؟
- الكسر متاح في أي وقت ولكن الكسر الجزئي مش متوفر وإذا كسرت الوديعة قبل ما تنتهي مدتها، الفايدة اللي هتاخدها هتكون صفر.
ايه هي شهادات الادخار وايه هي مميزاتها؟
- انت تقدر تستثمر وتزود فلوسك مع شهادات الادخار عندنا وتأمن مستقبلك عن طريق مصدر دخل ثابت بشكل منتظم؛ وده متاح بالجنيه المصري فقط. كمان تقدر تاخد قرض بضمان شهاداتك في أي وقت. و تقدر تزود فلوسك عن طريق تحويل فايدة الشهادات لحساب التوفير.
ايه اللي ممكن يحصل لو حبيت اكسر شهادة الادخار، هل أقدر اكسرها في أي وقت؟
- انت تقدر تكسر شهادة الادخار في أي وقت بعد 6 شهور من تاريخ اصدار الشهادة وكمان متوفر كسر جزئي للشهادة. الكسر هيكون بناء على الجدول الكسر المحدد و المعلن من البنك.
ازاى أقدر اصدر شهادة وايه المدد المتاحة؟
- انت تقدر تصدر شهادة فوراً بمجرد ما تحدد المبلغ اللي انت عايزه عن طريق تطبيق موبايل او الانترنت البنكي المدة المتاحة هي 3 سنين وتقدر تختار بين مدد صرف الفايدة: كل شهراو كل 3 شهور او كل 6 شهور او كل 12 شهر.
هل أقدر اكسر الشهادة عشان اسدد القرض او كارت الائتمان؟
- اه ممكن طبعاً. تقدر تبعت طلب كسر الشهادة، لتسدد القرض او الكارت الائتماني عن طريق:[email protected]
هل أقدر اكسر شهادتي لو انا واخد أي تسهيل ائتماني بضمانها؟
- لازم تسدد القرض الأول وبعدين تكسر الشهادة.
هل في حد أدني عشان انشأ شهادة ادخار ؟
- الحد الأدنى لانشاء الشهادة هو 1000 جنيه وممكن تزود المبلغ بمضاعفتها و مفيش حد أقصى لعدد الشهادات اللي تقدر تنشأها.
ازاى أقدر اقفل حساب من حساباتى؟
- تقدر تقدم طلب قفل الحساب عن طريق الإنترنت البنكي او تطبيق الموبايل.
طب ازاي أقدر اقفل حساب التوفير الخاص بيا؟
- هيتم تحويل الرصيد المتاح في حساب التوفير تلقائيا للحساب الجاري بالجنيه المصري بمجرد ما تطلب ان الحساب يتقفل.
هل أقدر اقفل حسابي الجاري بالجنيه المصري والعملات الاجنبية؟
- لا ماتقدرش تقفل الحساب الجاري بالجنية المصري لان ده حسابك الرئيسي بس ممكن تكلمنا على 16607 او تبعتلنا على[email protected]
- اما بالنسبة للعملات الأجنبية، اه تقدر اكيد؛ وإذا كان لسه فيه رصيد موجود في حسابك اللي بالعملة الأجنبية هيظهرلك رسالة تنبيهيه بنطلب منك سحب او تحويل المبالغ علشان نقدر ننفذ طلب القفل؛ ومجرد ما يتم تحويل/او سحب للمبلغ، هتقدر تقدم طلب لقفل الحساب تانى يوم عمل.
لو قفلت حساب التوفير قبل اخر الشهر، هل هاخد الفائدة المستحقة؟
- اه، هتقدر تأخذها طبعا، وهيتم إيداع مبلغ الفايدة لحسابك الجاري بالجنيه المصري.
الكروت
ايه هو كارت الخصم المباشر وايه مميزاته؟
- كارت الخصم المباشر ده كارت فيه ميزة الاستخدام عن بعد وهو خاص بالحساب الجاري بالجنيه المصري و بيوفرلك مجموعة من الامتيازات، مع إمكانية دفع مشترياتك محليا ودوليا؛ سواء عشان تعمل مشتريات، تحجز فندق، تدفع فواتير من غير ما تحتاج تشيل كاش.
ازاى هيتم تجديد الكارت؟
- هيتم تجديد الكارت تلقائيا عند انتهاء تاريخ صلاحيته
اعمل ايه لو الكارت اتسرق او ضاع مني؟
- لازم توقف تفعيل كارتك فورا من تطبيق الموبايل/ الانترنت البنكي او كلم 16607 مركز دعم العملاء.
ازاى هقدر استلم كارت التجديد الخاص بيا او الكارت المصدر مرة تانية؟
- هتستلمه عن طريق شركة الشحن على العنوان اللي محدد الخاص بيك، وبعدين هتقدر تفعل الكارت اول ما تستلمه من خلال تطبيق الموبايل او كلم 16607.
ايه هي الخدمات اللي ممكن استفيد منها من ماكينات الصراف الالي غير سحب الفلوس؟
- تقدر تعرف رصيدك، تاخد كشف حساب مختصر؛ وكمان تقدر تغير الرقم السري الخاص بيك بس من خلال ماكينات الصراف الالي من QNB ALAHLI.
امتى أقدر اطلب كارت خصم مباشر جديد؟
- لما تكون محتاج كارت خصم مباشر مخصوص عليه اسمك.
- لو كارت الخصم المباشر بقى تالف
- لو الكارت ضاع او اتسرق
لو انا عايز كارت خصم مباشر مخصوص مكتوب عليه أسمي، هل أقدر اعمله؟
- اه ممكن طبعاً، احنا نقدر نقدملك كارت مخصوص باسمك؛ لكن في الحالة دي هيكون فيه مصاريف إصدار لكارت مميز وتقدر تطلب الكارت ده من خلال مركز دعم العملاء او عن طريق [email protected]
ازاى أقدر اتابع عمليات الشراء الخاصة بيا؟
- هيجيلك رسالة مجانا بعد كل عملية شراء وكمان تقدر تتابع العمليات من خلال مراجعة حركة الحساب على تطبيق الموبايل او الانترنت البنكي.
ازاى أقدر أوقف تفعيل الكارت واطلب كارت تانى؟
- تقدر توقف تفعيل الكارت من خلال تطبيق الموبايل او الإنترنت البنكي، او اكلم خدمة دعم العملاء 16607 وتلقائيا هيتم إصدارا كارت تانى. وهيتم تسليم الكارت المصدر مرة تانية من خلال شركة الشحن و عند الاستلام تقدر تفعل الكارت من خلال تطبيق الموبايل او كلم 16607
هل فيه مصاريف اصدار/تجديد لكارت الخصم المباشر؟
- لا مفيش رسوم اصدار/تجديد للكارت
هل أقدر اربط كارت الخصم المباشر الخاص بيا بحساب التوفير او باي حساب تانى؟
- لا، عشان هو مرتبط بس بالحساب الجاري بالجنيه المصري عشان نساعدك ماتسحبش من مدخارتك فتزيد بسهولة.
ازاى أقدر أفعل كارت الخصم المباشر؟
- انت بالفعل بتستلم الكارت مفعل لما بتستلمه لأول مرة بعد ما تنتهي إجراءات فتح الحساب.
- وبالنسبة للكارت اللي أعاد إصداره مرة تانية، تقدر تفعلة من خلال تطبيق الموبايل او كلم 16607
امتى أقدر أستلم كارت الخصم المباشر الخاص بيا؟
- تقدر تستلم كارتك خلال 5 أيام عمل من تاريخ تقديم الطلب.
ازاى أقدر انشأ او اغير الرقم السري الخاص بيا؟
- تقدر تنشأ او تغير الرقم السري عن طريق ماكينات الصراف الآلي من QNB ALAHLI.
في حالة لو طلبت كارت خصم مباشر شخصي، هل أقدر استخدم كارت الخصم المباشر القديم الخاص بيا؟
- لا مش هتقدر تستخدم كارتك القديم؛ لان هيتم إيقافه تلقائيا اول ما يصدر الكارت الجديد.
امتى تنتهي مدة صلاحية كارت الخصم المباشر؟
- 5 سنين
اتصرف ازاي لو الكارت الخاص بيا اتسحب من أي ماكينة من ماكينات QNB ALAHLI للصراف الألى؟
- لو الماكينة اللي سحبت الكارت كانت في فرع، يبقى لازم تزور الفرع ده عشان تستلم الكارت الخاص بيك، و لو مازورتش الفرع علشان تستلمه هيتم اعدام الكارت فبالتالي تقدر توقف تفعيل الكرت من خلال تطبيق الموبايل و هيتم اصدار كارت تاني تلقائيا او من فضلك كلم 16607.
كروت الائتمان
في حاله لو تم رفض طلب الكارت الائتماني بضمان عضوية النادي، هعرف ازاى؟
- هنبلغك عن طريق البريد الإلكتروني ان طلبك ماتوافقش علية وتقدر تتصل بمركز دعم العملاء 16607 عشان تعرف تفاصيل اكتر.
هل أقدر استخدم كارتي الائتماني بره مصر وعلى مواقع الكترونية دولية؟
- طبعاً، تقدر تستخدم كارتك الائتماني في الشراء والسحب الكاش في مصر و في الخارج كمان وعلى مواقع الكترونية الدولية و المحلية. وعشان تعرف معلومات اكتر عن لحدود الاستخدام، اتصل بينا على 16607.
لو كارت الائتمان مش شغال بشكل مضبوط، اعمل ايه؟
- لو كارت الائتمان اتكسر او مش شغال مضبوط او فيه أي مشكلة، لازم تبلغنا عن طريق ارسال بريد إلكتروني من الايميل المعتمد و المسجل عندنا ل [email protected] او عن طريق مركز دعم العملاء 16607 عشان يحلوا مشكلتك او يطلبوا ليك كارت جديد لو لزم الامر.
هل أقدر ادفع فواتيري بكارتي الائتماني؟
- طبعاً، تقدر تنفذ معاملاتك اللي عايزها من خلال نقط البيع او موقع الانترنت او التطبيقات المخصوصة للجهات المعنية.
- كمان برده تقدر تدفع من خلال شبكة فورى (خدمة دفع الفواتير) في تطبيق الموبايل .
في حالة لو سفري برا مصر، ازاي اتاكد ان كارتي شغال هناك؟
- اتصل ب 16607 مركز خدمة العملاء قبل سفرك عشان تسيب بيانات السفر و تتأكد ان الكارت شغال مضبوط برا مصر.
هل فيه أي رسوم اصدار/تجديد لكارت الائتمان؟
- لا مفيش أي مصاريف اصدار/ تجديد لكارت الائتمان.
انا مش عايز استخدم كارت الائتمان تانى، أقدر اعمل ايه عشان ألغي الكارت؟
- تقدر تتصل بمركز دعم العملاء 16607 او تبعت رسالة من الايميل المعتمد و المسجل عندنا ل [email protected] عشان تلغى كارتك، لكن لازم الأول تسدد المبالغ المستحق على الكارت.
اقدر ارجع لحد قد ايه عشان اتابع المعاملات اللي حصلت على كارت الائتمان؟
- تقدر ترجع لحد شهر واحد لمراجعة المعاملات؛ وإذا عايز تراجع معاملاتك لمدة اكتر من شهر تقدر ترجع لكشف الحساب الالكتروني الخاص بيك.
هل أقدر أقسط عمليات الشراء بكارتى الائتماني مع التجار المتعاقدين مع ماكيناتQNB ALAHLI لنقات البيع POS؟
- اه طبعا، تقدر تقسط عمليات الشراء مع التجار المتعاقدين مع ماكيناتQNB ALAHLI لنقات البيع POS.
طلبي لكارت الائتمان اترفض، ليه؟
- طلبك بيتم تقيمه بناءا على سياسات الائتمان عندنا واللوائح القانونية و I-Score. عشان تعرف معلومات أكتر، اتصل على مركز دعم العملاء 16607
ازاى أقدر اسدد معاملات كارتي الائتمان؟
- تقدر تسدد مبلغ الاستحقاق من خلال الانترنت البنكي او تطبيق الموبايل عن طريق تحويل المبلغ من الحساب الجاري لكارت الائتمان. وإذا ما سددتش المبلغ، احنا تلقائيا هنسدد 5% كحد أدنى من المبلغ المستحق.
هل ممكن اسدد كارت QNBAA الائتماني الخاص بي من حساب QNB Bebasata الجاري عن طريق تطبيق الموبايل/ الانترنت البنكي من QNB Bebasata؟
- ايوه ممكن ولكن لا يفضل علشان كدة هتتحمل مصاريف التحويل. فبننصحك تسدد كارتك الائتماني الخاص ب QNBAA من حسابات QNBAA عن طريق تطبيق الهاتف المحمول/الخدمة المصرفية عبر الانترنت من QNBAA علشان متتحملش أي مصاريف اضافية.
هل أقدر اعمل طلب تسديد تلقائي للمبلغ المستحق للكارت الائتماني؟
- اه طبعاً، ليك الحرية للتسديد من اول 5% لحد 100% بناءا على قدرتك المالية في التسديد.
ايه هي أنواع كروت الائتمان اللي بتقدموها؟
- كارت ائتمان بضمان شهادتك (بحد اقصى يصل ل 80% من اصل مبلغ الشهادة)
- كارت ائتماني بضمان عضوية النادي.
من هم الأشخاص اللي ممكن يقدموا على الكارت الائتماني؟
- ممكن أي شخص يقدم طلب عشان ياخد كارت bebasata الائتماني (ماعدا الشباب). بس لازم يكون بضمان شهادتك او بضمان عضوية نوادي محددة من البنك وبيتم تقيم كل الطلبات ضمن سياسات الائتمان للبنك مع مراعاة معاييره.
استلمت كارتي الائتماني، ازاى اعرف كلمة السر؟
- لما تستلم كارتك الائتماني هنبعت كلمة السر الخاصة بيك مع شركة شحن تانية بشكل منفصل، لو ما استلمتش كلمة السر، اتصل بمركز دعم العملاء 16607و هما هيساعدوك.
لو انا مش عندي شهادات ادخار أقدر أقدم على كارت ائتمان؟
- اه، وعشان تعرف معلومات اكتر عن كارت الائتمان من غير ضمان شهادات الادخار، زورنا على موقعنا.
ايه هو الكارت الائتماني وايه مميزاته؟
- مع الكارت الائتماني تقدر تستمتع بخدمة الشراء عن بعد لأي حاجة انت عايزها دلوقتى وتسدد ثمنها في وقت تانى بسهولة وأمان و ده غير ان ما فيش أي مصاريف اصدار او تجديد للكرت. بجانب سهولة التسوق والدفع والشراء وسحب الكاش في الحدود المتاحة ليك سواء دوليا او محليا. من ناحية تانية، تقدر تدفع مستحقات كارتك الائتماني بكل سهولة من خلال الانترنت البنكي او تطبيق الموبايل.
اذا مندوب شركة الشحن وصل في العنون المحدد لتسليم الكارت و انا للأسف ماكنتش متواجد، ازا ي اقدر استلمه؟.
- لو انت مش موجود في نفس العنوان، شركة الشحن هتحاول تكلمك 3 مرات عشان تسلمك الكارت. لو شركة الشحن ماعرفتش توصلك، كلمنا على 16607 مركز دعم العملاء عشان يساعدوك مرة تانية لتسليم الكارت.
ايه هي مدة صلاحية كارت الائتمان؟
- 3 سنوات
ازاى أقدر ازود حد كارت الائتمان الخاص بيا؟
- لازم تقدم طلبك عن طريق [email protected] وهيتم تقييم طلبك بناء على معايير ائتمان البنك وهيتم تنفيذه إذا كان متوافق للشروط؛ ولو الطلب ماتقبلش، حيتم ابلاغك عن طريق البريد الإلكتروني او بإشعار و ممكن تكلم مركز دعم العملاء 16607 عشان تعرف معلومات اكتر.
ايه هي برامج تقسيط المشتريات المقدمة من الكارت الائتماني؟
- الحد الأدنى لعملية الشراء اللي تقدر تقسطها هي 500 جنيه ومدد التقسيط المتاحة هي 6، 9، 12، 24، 36 شهر.
ايه هي النوادي اللي أقدر أقدم على كارت ائتمان بضمان عضويتي؟
هليوبوليس,سكاى,الجزيرة,سبورتنج, المعادي ,نادي الصيد,سماش,بلاتينم,الأهلي,الزهور,الرحاب,الشمس,مدينتي, نوادي وادي دجلة.
اعمل ايه لو كارتي الائتماني اتسرق أو ضاع ؟
- إذا كارتك الائتماني اتسرق او ضاع، لازم توقف تفعيل الكارت في الحال من خلال الإنترنت البنكي او تطبيق الموبايل او تتصل بمركز دعم العملاء 16607 عشان يأخذه الاجراء اللازم عشان يوقفوا الكارت.
هل انا هستلم نسخة مطبوعة من كشف حساب كارت الائتمان؟
- لا دة غير متاح. بس تقدر تراجع كشف حساب الكارت الائتماني الخاص بيك من خلال كشف الحساب الالكتروني من خلا الانترنت البنكي وتطبيق الموبايل.
التحويلات
ايه الحل لو جالي تحويل بالدولار او اليورو وانا ماعنديش حساب بالعملة دي؟
- هيجيلك رسالة عن طريق البريد الالكتروني او هيجيلك مكالمة من فريقينا بيبلغك بضرورة فتح حساب بعملة التحويل عشان يتم نتفيذ التحويل.
ازاي أقدر اعرف ان التحويل الخارجي بتاعى اتنفذ؟ هل فيه مستند بيثبت ده؟
- هتجيلك ايميل مرفق معاه مستند بيأكد تنفيذ التحويل او رفضه مع سبب الرفض.
ازاى أقدر اعرف ان في تحويل وصل لي لو انا مستني تحويل من بنك تانى؟
- اول ما يوصلك التحويل، هيجيلك ايميل معاه مرفق بتفاصيل التحويل.
ايه هي انوع التحويلات اللي أقدر اعمله في هنا؟
- تقدر تحول بين حسابتك هنا ، وتحول لمستفيدين هنا/ QNB ALAHLI وبنوك تانية.
- وكمان تقدر تحول بالعملات المحلية والأجنبية طبقا لسياسة حدود البنك.
ايه الحل لو جالي تحويل بعملة اجنبية مش من ضمن العملات اللي بيقدمها QNB bebasata؟
- ابعتلنا ايميل تأكيد على [email protected] من الايميل المعتمد الخاص بيك عشان نغير عملة التحويل ونودعها في أي حساب من حساباتك في QNB Bebasata
ايه هي خدمة الاشعارات عن طريق البريد الالكتروني وايه فوايدها؟
- دي خدمة علشان تبقى على دراية بالتحويلات الخاصة بيك. هيوصلك ايميل مرفق معاها نسخة من التحويل سواء من أو إلى حسابك. كمان بيعلمك باي تحويل ACH مرتجع او اترفض مع سبب الرفض لو موجود.
مين اللي بيتحمل مصاريف البنك المراسل في تحويلات السويفت الصادرة لبنك آخر بالعملة الأجنبية (المستفيد او الراسل او تقسم بين المستفيد و الراسل) ؟
- المصاريف بتتقسم بالتساوي و بيتحملها الراسل و المستفيد اذا ماطلبش الراسل غير كدة. ممكن الراسل يطلب ان هو/هي اللي يتحملوا المصاريف دي او المستفيد هو اللي يتحملها عن طريق انه يكلمنا على 16607 او يبعتلنا ايميل على [email protected].
الشباب
هل أقدر يبقى عندي كشف حساب الكتروني لحسابتي؟
- اه طبعا ليك كشف حساب إلكتروني لكل حساب من حساباتك بشكل منفصل من خلال تطبيق الموبايل والانترنت البنكي.
هل أقدر استخدم كارت الخصم المباشر الخاص بيا دولياً في سحب الكاش وعمليات الشراء؟
- اه طبعا، مع الالتزام بحدود المسموحة اللي بيحددها البنك.
امتى اقدر انا كعميل شاب ابقى عميل بالغ و اقدر استمتع بجميع مزايا العملاء البالغين؟
- اول ما يوصل عمرك ل 21 سنة.
هل أقدر يبقى عندي كارت ائتمان؟
- لا، كارت الائتمان متاح للبالغين بس.
هل أقدر اخد قرض بضمان شهادات الادخار؟
- لا، ده مش متاح للشباب. متاح بس للعملاء البالغين.
هل أقدر اعمل أي تحويل بالعملة الأجنبية؟
- لا، ده متوفر للبالغين بس.
ازاي اقدر استفيد من خدمة اشعارات البريد الإلكتروني للتحويلات؟
- تقدر تستفيد من خدمة اشعارات البريد الإلكتروني لأنه بيعرفك حالة تحويلات ACH الخاصة بيك اللي بالجنيه المصري اذا تمت بنجاح او لأ.
هل أقدر اعمل تحويل سويفت بالعملة الأجنبية؟
- لا، ده متوفر للبالغين بس.
هل في حد أقصى لرصيد الودائع الخاصة بيا؟
- اه، الحد الأقصى المسموح به لكل منتجات الاوعية الادخارية الخاصة بيك هو 100،000 جنيه مصري. ولو تجاوزت الحد المسموح هيحصل إيقاف على كل منتجات الاوعية الادخارية الخاصة بيك لحد ما نستلم امضاء الوالي الطبيعى ليك على إقرار الودائع. لمعلومات اكتر، لو سمحت كلمنا على 16607.
اتصرف ازي لو جالي تحويل بالعملة الأجنبية؟
- هيتم إضافة رصيد التحويل بما يعادله لحسابك بالجنيه المصري، وده طبعا بعد ما نأخذ موافقتك من خلال الايميل المعتمد الخاص بيك.
هل أقدر أفتح حساب بالعملة الأجنبية؟
- الشباب يقدروا يفتحوا حساب بالجنيه المصري بس.
ايه هو الحد الأدنى لسن الشباب عشان يقدروا يبقوا عملاء ؟
- من اول سن 16 سنة.
هل أقدر اعمل شهادة ادخار او وديعة؟
- اه، تقدر اكيد.
تحديث بيانتي
ازاى أقدر أحدث بيانتي؟
- تقدر تقدم طلب لتحديث أي من البيانات دي من خلال الإنترنت البنكي/ تطبيق الموبايل:
- نوع العمل
- الوظيفة (مرفق نسخة من خطاب الموارد البشرية)
- مجال العمل
- اسم مكان العمل (ترفق نسخة من خطاب الموارد البشرية)
- عنوان مكان العمل (التفاصيل، المدينة والمنطقة)
- متوسط الدخل الشهري
- الدرجة التعليمية
- عنوان المنزل (هتظهرلك رسالة بتوضح أن طلبك تحت التنفيذ بعد استلام المستندات المطلوبة)
- تقدر تحدث أي من المعلومات الاتصال دي مباشرة عن طريق الانترنت البنكي/ تطبيق الموبايل (المصادقة بتتم من خلال اسم المستخدم + كلمة السر + رمز التحقق):
- رقم تليفون البيت / العمل
- عنوان البريد الإلكتروني
- عنوان العمل
ازاى أقدر أحدث رقم تليفوني؟
- هتحتاج تتصل بمركز دعم العملاء 16607 عشان ينفذوا طلبك.
Be-Token
منين اقدر انزل ابلكيشن be-token وازاي اقدر افعله؟
- ادخل علي ابليكيشن bebasata <<القائمه الرئيسيه<< دوس علي رمز be- <<تفعيل be-token <<تأكيد<< افتح ابليكيشن be-token <<هيتم فتح ابليكيشن be-token ,انشأ رقم سري من 4 ارقام <<تمام
<<انسخ ال 17 رقم اللي هيظهر<<ارجع تاني لابليكيشن bebasata و ادخل الرقم ده <<ابليكش ن be-token مُفعَل دلوقتي .
ممكن ادفع /احول من غير ما استخدم be-token ؟
- تقدر تحول بين حساباتك في bebasata و تسدد كارت ائتمان bebasata من غير ما تستخدم be-token, أي نوع تحويل تاني اوعملية دفع تانية لازم تستخدم be-token.
وسائل التواصل مع ببساطة QNB bebasata
احنا حريصين على اننا نوفرلك وسائل تواصل كتير ومتنوعة متخصصة عشان تقدر توصلنا بكل سهولة عن طريق:
- موقعنا الالكتروني bebasata.qnbalahli.com
- تطبيق الموبايل
- الانترنت البنكي
- ماكينة السحب الألى
وكمان تقدر توصلنا عن طريق:
- مركز دعم العملاء: 16607
- لاستفسارات العملاء: [email protected]
- لملاحظات/اراء العملاء: [email protected]ı.com
- لطلبات العملاء: authorized[email protected]ı.com وده عن طريق الايميل المسجل عندنا .
yalla pay فيزا يلا باي البريد المصري وربطها بالباي بال وتفعيلها
كلمات البحث :
- https://www aljawalat com/blog/bebasata-qnb-alahli/24352
- ببساطةQnd
- https://www aljawalat com/blog/bebasata-qnb-alahli/24352#:~:text=ايه هو كارت الخصم المباشر غير ما تحتاج تشيل كاش
- بساطة بنك الاهلي القطري
الأهلي QNB: إلغاء العمولات البنكية وخفض الفائدة على منصة ببساطة الرقمية لزيادة التعامل الإلكتروني