سناب بلس – تحميل سناب بلس – تحميل سناب شات بلس

طريقة تثبيت سناب شات بلس على الايفون بدون جيلبريك
طريقة تثبيت سناب شات بلس على الايفون بدون جيلبريك

سناب بلس – تحميل سناب بلس – تحميل سناب شات بلس

كيفية تثبيت سناب شات بلس على الايفون بدون جيلبريك

سوف نشرح لكم في aljawalat.com طريقة تثبيت التطبيقات مع ادوات البلس بدون جيلبريك سناب شات ,سناب شات بلس, واتس اب وغيرها على الايفون و الايباد .

سناب شات بلس, يوتيوب بلس, انستقرام بلس, واتس اب بلس, فيسبوك بلس, تويتر بلس كلها بدون جيلبريك على الايفون او الايباد, بلس يعني مميزات اكثر الحين تقدر تحفظ مقاطع من اليوتيوب بنفس التطبيق, تحفظ صور الانستقرام, تركب الواتس اب على الايباد وغيرها كثيرررر…

الايفون او الايباد بدون جيلبريك iOS 9.3.2 او iOS 9.3.1 او iOS 9.2.1 او اقل يمكن للمستخدمين الان تثبيت نسخ معدلة من تطبيقات الاكثر شعبية مثل سناب شات, يوتيوب, تويتر, الواتس اب, الانستقرام و الفيسبوك مع ادوات البلس. مزايا التطبيقات تم دمجها مع ادوات تسمح لك ان تفعل اشياء لا يمكن عملها مع التطبيقات الرسمية وكانت فقط ممكن على الجيلبريك.

مع Xcode 7 ابل جعلت من الممكن Sideloading تثبيت وتشغيل تطبيقات من خارج المتجر الاب ستور على الايفون او الايباد لاختبارها. سواء مع حساب مطور مجاني او مدفوع اي مطور يقدر يثبت تطبيقات من خارج المتجر طالما انها مفتوحة المصدر, ابل وضعت هذا كحل للمطورين لاختبار تطبيقاتهم وكذا على اجهزتهم الايفون او الايباد. لكن بعض مطورين ادوات الجيلبريك استغلو هذي الميزة لدمج ادواتهم مع بعض التطبيقات وتثبيتها على الايفون بدون جيلبريك, في هذا الموضوع سوف اشرح طريقة تثبيتها بسهولة.

هنا جميع التطببيقات الي راح تقدر تستفيد منها بتثبتها مع ادوات البلس بالاضافة لاهم الميزات الي راح تضيفها لك.

  • سناب شات بلس; حفظ سنابات اي شخص, رفع الصور ومقاطع الفيديو المحفوظة من جهازك, ابقاء سنابات بعد ماتشوفها, تعطيل اشعار انك جالس تكتب, زيادة مدة تصوير الفيديو, تغيير الموقع او الدولة الي انت فيها واستخدام فلاتر اي دولة وغيرها الكثير.
  • يوتيوب بلس; حفظ المقاطع فيديو او صوت, منع الاعلانات, تشغيل في الخلفية, اختيار جودة التشغيل حتى بدون واي فاي وغيرها اكثر من المميزات.
  • واتس اب بلس; تصفح المواقع داخل التطبيق, اختيار الصفحة الافتراضية لما تفتح التطبيق, اخفاء اخر ظهور عن الاخرين, تعطيل ايصالات القراءة, مشاركة الموسيقى, وضع رمز مرور او البصمة للواتس اب في كل مرة تفتحه وغيرها اكثر.
  • تويتر بلس; حفظ صور GIF او الفيديو, مشاهدة تغريدات اي شخص صاكك بلوك, فلاتر كلمات للتايم لاين والمنشن يعني مثلن اي تغريدة فيها كلمة معينة ماتبيها ما راح تطلع لك بالتايم لاين او المنشن وغيرها الكثير.
  • الانستقرام بلس; حفظ الصور ومقاطع الفيديو, اعادة نشر اي شي بالتايم لاين عندك بضغطة زر يعني مثل الريتويت, تغيير طريقة عرض التايم لاين, كلمة مرور لحماية تطبيق الانستقرام والكثيررر غيرها.
  • فاين بلس; حفظ مقاطع الفيديو.
  • فيسبوك بلس; اشياء كثير بتعرفها لما تثبت التطبيق ‪^_^‬.

اذا كنت تبحث عن : 

  • سناب بلس
  • تحميل سناب بلس
  • تحميل سناب شات بلس
  • سناب شات بلس
  • snapchat plus iphone
  • طريقه تثبيت سناب شات بلس بدون جيلبريك
  • snap plus for snapchat iphone
  • تثبيت سناب بلس على الايفون بدون جلبريك
  • تثبيت لسناب بلس لسامسونج
  • سناب بلس للايفون
  • how to download snap plus
  • تحميل سناب شات بلس للايفون

فتابع معنا على موقع الجوالات aljawalat.com انت في المكان الصحيح :

قبل البدء

في اشياء قبل لازم انك تعرفها لانها جديدة اكيد عليك ولابد تكون عندك معلومات عنها.

جهاز ماك; بدون جهاز الماك ماراح تقدر تسوي هالطريقة الي بالموضوع ابدن, يعني ويندوز انسى انك ممكن تسويها غير بطريقة معقدة وصراحه ماجربتها ولازم الكمبيوتر يكون بمواصفات معينه اذا انت مهتم تقدر تشوف هالفيديو هنا.

تحميل xcode; تقدر تحمل البرنامج مجانا من متجر الماك الاب ستور هنا.

حساب مطور; في نوعين من حسابات المطورين عندنا المجاني والمدفوع, كلها تقدر تستخدمها في موضوعنا هذا لكن وش الفرق بينهم:

  • حساب المطور المجاني محدود لاجهزة او ملفات provisioning profiles فقط 10 في الاسبوع, وبعد صلاحيتها تنتهي بعد 7 ايام فقط, يعني كل اسبوع لازم تسوي provisioning profiles وتثبت التطبيق من جديد على ايفونك او الايباد, الحساب المطور المجاني مايحتاج تسجيل بشي فقط حسابك حق الاب ستور الي تحمل منه التطبيقات راح يكفي.
  • حساب المطور المدفوع سعر الاشتراك 99 دولار بالسنة من ابل, تقدر تسوي provisioning profiles غير محدودة وصلاحية كل واحد منها هو سنة كاملة تقدر تشترك من موقع ابل هنا.

تطبيقات مكركة; لابد تطبيق الي تبي تسوي له دمج مع ادوات البلس يكون مكرك يعني مثلن يوتيوب, سناب شات او الواتس اب ورايح احط لكم روابط تحميل مباشرة لجميع هذي التطبيقات مكركة جاهزة.

التحميلات :

روابط تحميل التطبيقات IPA المكركة.

هذي ادوات البلس الي بندمجها مع التطبيقات المكركة بعد شوي.

الخطوات :

الخطوة 1: بعد تثبيت xCode وفتحه لاول مرة راح يطلب منك الرقم السري حق جهازك الماك لثتبيت بعض الادوات, افتح Xcode بعد كذا اعمل تسجيل دخول على حسابك سواء حق المتجر الاب ستور او الاي كلاود من xCode. اضغط على Xcode فوق يسار بعدين Preferences -> Accounts.

install-tweaks-iphone-no-jailbreak-1

الخطوة 2: تاكد من انك تضغط على هذا الزر Create الموجود قدام iOS Development بعد تسجيل الدخول لحسابك من xCode بعدين Done الي تحت.

install-tweaks-iphone-no-jailbreak-2

الخطوة 3: اشبك ايفونك او الايباد في الماك عن طريق USB.

الخطوة 4: بعد تحميل ++ Tweak Sideloader من الرابط الي فوق فك الضغط عنها بتحصل مجلد اسمه الافتراضي ppsideloader-maste, بتحصل داخله ملف فاضي اسمه app.ipa هذا راح نستبدله بعد شوي باحد التطبيقات المكركة الي حملتها من فوق.

الخطوة 5: مثلن خلينا نقول انك تبي سناب شات بلس, بعد ماتحمل تطبيق السناب شات المكرك الي فوق تغير اسمه وتخليه app.ipa بعدين تسحبه داخل مجلد ppsideloader-maste بتطلع لك رسالة اضغط replace او استبدال. ونفس الوضع على اي تطبيق ثاني تسوي.

install-tweaks-iphone-no-jailbreak-3

الخطوة 6: افتح ملف ppsideloader.xcodeproj داخل مجلد ppsideloader-maste, راح يفتح معاك Xcode اضغط على ppsideloader فوق يسار, وبعدين General.

install-tweaks-iphone-no-jailbreak-4

الخطوة 7: غير Bundle Identifier الى اي اسم انجليزي ولازم يكون ماحد استخدمه من قبل مثلن rasha.snapchat .

install-tweaks-iphone-no-jailbreak-5

الخطوة 8: اضغط على Team واختار حسابك الي عملت تسجيل دخول فيه ل Xcode, بعدين اضغط على Fix Issue.

install-tweaks-iphone-no-jailbreak-6

الخطوة 9: لو كان عندك اي تطبيق موجود على ايفونك او الايباد من قبل مثلن يوتيوب او الواتس اب وغيرها لازم تحذفه من الجهاز قبل ماتسوي الخطوة القادمة.

الخطوة 10: اختار اسم جهازك الايفون او الايباد من فوق يسار وبعدين اضغط على زر تشغيل Play, الان رايح يبدا دمج التطبيق مع ادوات البلس وتثبيته على جهازك, انتظر شوي لين يخلص تثبيت هو رايح يفتحه تلقائيا.

install-tweaks-iphone-no-jailbreak-7

خلص هذا كل شي, مثل مايقول ستيف جوبز الله يرحمه One More Thing باقي شي واحد, في مجموعة خيارات تقدر تعدلها قبل تثبيت التطبيق المعدل عالايفون او الايباد تقدر توصل للخيارات هذي من Xcode بعد ماتفتح ppsideloader.xcodeproj على اليسار تضغط على السهم الصغير الموجود جنب ppsideloader بعدين اضغط على السهم الصغير جنب ppsideloader الثانيه واضغط على PP_SIDELOADER_OPTIONS.

install-tweaks-iphone-no-jailbreak-8

  • KEEP_ORIGINAL_APP_NAME: لو حطيت Yes لابقاء اسم التطبيق الافتراضي زي ماهو, او اخترت No راح يضيف ++ جنب اسم التطبيق بعد مايثبت عالايفون او الايباد.
  • OVERWRITE_ORIGINAL_APP: لو اخترت Yes راح يثبت فوق التطبيق الافتراضي وتوصلك اشعارات, لو اخترت Noراح يثبت نسخة ثانية من التطبيق بدون مايحذف التطبيق الثاني وبتكون عندك نسخ مكررة للتطبيق, لكن المشكلة ماراح توصلك اشعارات من التطبيق الثاني فقط الافتراضي توصلك الاشعارات.
  • CREATE_IPA_FILES: لو اخترت Yes راح يسوي نسخة IPA للتطبيق بعد دمج ادوات البلس معاه داخل مجلد اسمه products في ppsideloader-maste, وهذي مفيدة لو كنت تبي ترفع التطبيق عشان تعطي احد رابط تحميل وكذا.

PP_SIDELOADER_OPT

وبالتوفيق… واحب اشكر الاخ المبدع والرائع ابو بس abo1bs على هذا الشرح الوافي والذي اقتبسناة منه .

order-now1
تنبيه : موقع الجوالات aljawalat.com لا يضمن صحة هذه المواصفات والمعلومات والاسعار 100 في المائة , لذلك المرجو زيارة الموقع الرسمي للشركة من أجل التأكد من هذه المواصفات

عن الجوالات

aljawalat الجوالات موقع تقني يهتم بأخبار التقنية واحدث التطبيقات والالعاب للايفون والايباد والاندرويد ووندوز فون.

13 تعليقات

  1. مشعل العتيبي

    السلام عليكم ورحمة وبركاته

  2. علي السرحاني

    طيب يا طويل العمر ..
    انا سويت حساب في مطورين ابل ودفعت ٩٩ دولار لكن ما خلوني احمل الا ١٠ برامج في الاسبوع .
    اش الحل الله يعطيكم العافية ؟؟

  3. السلام عليكم
    انا ثبت تطبيق سناب بلس ومشيت على كل الخطوات وضبط مع بس اذا جيت افتح التطبيق بالايفون يسكر على طول ما يشتغل معي وش الحل؟

  4. واجهت مشكله اثناء عمل create الي هيا خطوه رقم ٢ لما اعمل create تطلع ليا رساله Service not available because of maintenance activities, please try again after some time. ايش اعمل ممكن الحل

    • الخدمة بها اصلاحات برجاء المحاولة في وقت لاحق

      • السلام عليكم ممكن اخر تحديث للبرامج؟ لآنه بدا يطردني من البرامج وحلصت للسناب تحديث بس كيف ممكن احصلهم؟

  5. هيثم الزهراني

    ياغالي شكرا لك علي الطرح الرائع .. ياليت تشرح لي بأختصار لاهنت .. كيف ارفع البرنامج علي رابط بعد ما س،ينا فالاعدادات yes وانحفظ فالمجلد .. شسوي بعدها لاهنت§

  6. يالغالي اللي بالرابط اقدر ارسله حق اللي بسوي ولا لازم البرنامج عشان اذا بحطه فالجوال ولا بالرابط ارسله له بالرابط ويحمله

  7. اخوي لما اسوي ساين ان وادخل، يجيني your email is not on any development teams

    وش الحل؟

    • لابد ان يكون حسابك مطور قيمة الاشتراك 99$
      ولاحظ ان حساب المطور المجاني ينتهي بعد اسبوع …. راجع الموضوع مرة اخري
      حساب مطور; في نوعين من حسابات المطورين عندنا المجاني والمدفوع, كلها تقدر تستخدمها في موضوعنا هذا لكن وش الفرق بينهم:

      حساب المطور المجاني محدود لاجهزة او ملفات provisioning profiles فقط 10 في الاسبوع, وبعد صلاحيتها تنتهي بعد 7 ايام فقط, يعني كل اسبوع لازم تسوي provisioning profiles وتثبت التطبيق من جديد على ايفونك او الايباد, الحساب المطور المجاني مايحتاج تسجيل بشي فقط حسابك حق الاب ستور الي تحمل منه التطبيقات راح يكفي.

      حساب المطور المدفوع سعر الاشتراك 99 دولار بالسنة من ابل, تقدر تسوي provisioning profiles غير محدودة وصلاحية كل واحد منها هو سنة كاملة تقدر تشترك من موقع ابل هنا.

  8. مو راضي يزبط خطوة رقم 8

  9. السلام عليكم
    يا اخي الآن انا نزلت البرامج بس فيه بعضها نسخ قديم للايفون مثل الواتس اب <<<
    وين ادر احصل آخر اصدارات للبرامج البلس
    وشكرا…………

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *