أزاي ترجع تليفونك لو أتسرق ؟
النهارده هيكون فيه موضوع جديد معانا هنشرحه بتفاصيل التفاصيل علشان كدا لازم دماغك تكون رايقه، هات مج النسكافيه وتعالي أقولك بقي 
هنقسم الموضوع قسمين .. أولاً لو الهاتف لسا معاك و ثانياً لو الهاتف لاقدر الله أتسرق
وهنبداً ب أولاً
-- لو الهاتف لسا معاك تعمل ايه علشان تحميه ؟
هنشرح 3 خطوات مُهمين جداً جداً
اول خطوه هنعمل تشفير للبيانات اللي هيكون من ضمنها كارتالذاكره لو تليفونك بيدعم كارت ذاكره خارجي ودي هتكون عن طريق
الاعدادات – الاعدادات المُتقدمه – الخصوصيه – تشفير البيانات– ونختار تشفير ونحط رقم سري
ولو بالانجليزي
Settings – additional settings – privacy – encryption &credentials – add your password
كدا إحنا خلصنا أول خطوه الخطوه الثانيه بقي .
هخنش نتاكد اننا مفعلين Find Device عن طريق
Settings – mi account – mi cloud –find device – choose on
النقطه الثالثه والاخيره اننا نتاكد انه find my device بتاعت جوجل ليها كافه الصلاحيات علي الجهاز ودي عن طريق
Settings – additional settings – privacy – device admin apps – find my device
اخر حاجه يفضل نكون عاملين pin للشريحه علشان لو اتسرق وحد الشريحه في اي تليفون تانيميعرفش يستخدمها او يسحب ايميلاتك منك
كدا خلصناالحاجات المهمه اللي هتتعمل من الفون لو الفون لسا متسرقش ..
النقطه تانيه لو الفون إتسرق ؟! نعمل ايه ؟!
بما اني مريت بالتجربه دي والحمد لله تليفوني رجع بفضل ربنا ثم MI account فهقول باترتيب ايه اللي أنا عملته ..
( التليفون اتسرق ) ؟!
تعالي أقولك بالترتيب هنعمل إيه!
1- هتطلع بدل للشريحه ضروري حتي ولو كنت عامل pin
2- هتعمل محضر في اقرب قسم تابع لمكان السرقه ببطاقتك والعلبه، مش هينفع من غير العلبه
3- هنخش علي Google ونكتب find my device ونخش علي اول رابط هيظهر في نتائج البحث اللي او من هنا
هنلاقي الاختيارات دي هنخش علي location ونختار lost phone ونقفله ونمسح البيانات اللي عليه كل ده هيتنفذ اول مايوصله بالنت
النقطه التانيه والاهم
هنخش علي Mi account من هنا ونسجل دخول بالايميل اللي علي الموبيل هنلاقي الاختيارات دي !
نختار العثور علي الجهاز او find device ونوقف الجهاز ونسيب رساله للي سارق الفون ورقم تليفون للتواصل ونفرمط الفون متقلقش المي اكونت مش بيتمسح 
وهيتقفل زي كدا دي صوره من تليفوني لما رجع.
كدا تقريباً شرحنا الموضوع من الالف الي الياء واتمني يكون الكل استفاد ومحدش يتعرض للموقف ده اصلاً
* ملحوظه علشان توصل لاعلي درجه من الامان يفضل تبقي قافل البوتلودر
* ملحوظه اخري يفضل كل اسبوع تمرن نفسك علي الموقف اللي هو بفرض تليفوني بعد ساعه هيتسرق ايه اللي انا محتاجه مهم من عليه وتاخده وتنسخه وايه اللي لو وقع في ايد حد غيرك هيعمل مشاكل وتنسخه
