سؤال متكرر .....
بالنسبه لاكتر سؤال بتساله مع كل البوم بنزله ايه افضل نسخه ؟
افضل نسخه حسب الساوند سيستم اللى عندك
يعنى اجهزة الصوت اللى بتسمع بيها
طبعا مش كل الناس بتستخدم نفس نظام الصوت
بس انا معنديش مانع ان كل واحد يكتبلى هنا ايه الساوند سيستم بتاعه و انا ارد عليه يحمل انهى نسخه
لكن انا هشرح ايه الفرق بين النسخ اللى بنزلها دايما
و بيبقى اغلب السؤال عن الفرق بين CBR & VBR
CBR :
دى بيبقى ال bit rate بتاعها ثابت و ده حسب الريب طبعا
بالنسيه للنسخ اللى بنزلها البت ريت هو 320 Kbps
لكن ممكن اى حد لما يعمل ريب من السى دى يعمله 256 او 224 او 192
لكن الافضل طبعا ال 320 ( الناس هتسال ليه ؟ )
هقولك لان ال 320 بتديك مساحه انك تعلى الصوت من غير ما يحصل Distortion ناس هتسال يعنى ايه ؟
يعنى ميحصلش وش و زن معاك و نقاء الصوت يقل
بيفضل نقاء الصوت لفتره معينه طول ما انت بتعلى الصوت هتلاقيه تمام لحد وقت معين هتعلى الصوت فيه هتلاقى نقاء الصوت بدأ يقل و بدا يحصل دوشه بسيطه فى الصوت و دى طبعا هتفرق من ساوند سيستم ل ساوند سيستم تانى زى ما قولت فى الاول
VBR :
دى بيبقى ال bit rate بتاعها بيتغير مش ثابت
يعنى و انت مشغل ال Winamp هتلاقى البت ريت بيتغير شويه تلاقيه 320 شويه تلاقيه 256 او 224 او 192 و يرجع يتغير بين القيم اللى انا كاتبها دى
طب بيتغير على اساس ايه ؟
بيتغير على حسب Waves Areas
يعنى ايه ؟
يعنى مناطق الموجات الصوتيه للاغنيه هتقول يعنى ايه برضه ؟
هقولك يعنى فى مناطق معينه فى الاغنيه بتحتاج البت ريت بتاعها يبقى عالى فتلاقى البت ريت بقى 320 لكن فى مناطق معينه فى الاغنيه مش بتحتاج البت ريت يبقى 320 فتلاقيه نزل اوتوماتيك لوحده ل 256 او 224 او 192
و طبعا الحركه بتاعه البت ريت دى بتبقى حسب الريبر محدد اقل نقطه ايه و اعلى نقطه ايه و دى بتفرق من ريبر ل ريبر تانى
كده انا شرحت الفرق ..
نيجى بقى ايه افضل نسخه ؟
طبعا اول شرط يحددلك افضل نسخه تحملها زى ما قولت فى البدايه هى الساوند سيستم بتاعك
لكن انا هقولك ايه افضل نسخه ...
افضل نسخه هى ال VBR ( الناس هتسال ليه ؟ )
هقولك لان ال VBR بيعمل توازن فى الاغنيه يعنى بيخلى ال bass & treble بينهم توازن و ده بيخليك مهما تعلى الصوت حتى لو جبت اخر الصوت للساوند سيستم بتاعك ميحصلش Distortion يعنى لا هتلاقى وش و لا زن و لا نقاء الصوت بيقل
يعنى بيعمل Smoothing
و لو اخدت بالك من اغلب المواقع الاجنبيه اللى بترفع البومات دايما هتلاقى النسخه اللى بيرفعوها دايما هى الVBR ...
بالنسبه ليا انا نسختى المفضله اللى بسيبها على الكمبيوتر عندى هى ال VBR
لكن اغلب الناس فى مصر و الوطن العربى بيحبوا ال CBR و فى مواقع بتقول عنها انها الجولدن ريب
مفيش حاجه اسمها جولدن ريب !!!
لكن احنا شعب بيحب الفتى طبعا و بنطلع مصطلحات كده من دماغنا
اتمنى يكون شرحى وافى و تكونوا فهمتوا الفرق