مقارنة بين سامسونج Galaxy A50 و شاومي Redmi Note 7

مقارنة بين سامسونج Galaxy A50 و شاومي Redmi Note 7

نقدم لكم اليوم على موقع aljawalat.com مقارنة بين Xiaomi Note 7 و Samsung Galaxy A50 الهاتفين المتنافسين في نفس الفئة وفي الامكانيات … تابع معنا

مميزات وعيوب Xiaomi Note 7

اذا اردت مشاهدة المواصفات بشكل مفصل تابع هذا الموضوع  : Xiaomi Redmi Note 7 مواصفات وسعر شاومي ريدمي نوت 7

مميزات موبايل Xiaomi Note 7

• يقدم معالج الهاتف أفضل أداء فى الفئة أقل من 4000 جنيه.
• يتوافر الهاتف بنظام تشغيل اندرويد فطيرة 9.0 Pie.
• مستشعر بصمة الهاتف يعمل بسرعة عالية.
• سعر الهاتف ممتاز مع ضمان 30 يوم للاستبدال فى حالة وجود أى عيب.
• متوفر بالهاتف دعم مستشعر IR للتحكم بالأجهزة المنزلية.
• يدعم الهاتف USB Type C و هو الأول فى سلسلة REDMI.
• أمكانية تصوير فيديو Slow Motion.
• تدعم الكاميرا الخلفية العديد من الأوضاع للتصوير و قد تكون الأفضل فى الفئة السعرية.
• تدعم الشاشة طبقة حماية من Corning gorilla glass 5.
• بطارية الهاتف 4000 مللي أمبير تقدم أداء جيد جدا مع شحن سريع فى حالة استخدام شاحن سريع غير الموجود بعلبة الهاتف.
• سعر ارخص من المنافسين في كل الفئات السعرية .

عيوب موبايل Xiaomi Note 7

• يجب الاستغناء عن الشريحة الثانية لاستخدام كارت الذاكرة الخارجي.
• كاميرا الهاتف الخلفية بارزة عن جسم الهاتف.
• كاميرا السيلفي تعتبر قليلة فى دقتها و تقدم أداء أقل من المنافسين.
• اضاءة لمبة الاشعارات ضعيفة.
• بسبب أن الهاتف مصنوع من الزجاج فى الظهر يجعله سريع الاتساخ ببصمات الأصابع.
• صندوق الهاتف لا يحتوي على سماعات الأُذن Earphones.
• الشاحن المُرفق فى علبة الهاتف يقوم بالشحن فى وقت طويل لذا سيتوجب عليك أن تشتري شاحن أخر للاستمتاع بالشحن السريع.

مميزات وعيوب Samsung Galaxy A50

اذا اردت مشاهدة المواصفات بشكل مفصل تابع هذا الموضوع  :مواصفات Samsung Galaxy A50 سامسونج جالكسى ايه 50

مميزات موبايل Samsung Galaxy A50

• بطارية بسعة 4000 مللي أمبير و أداء جيد جدا مع زمن شحن سريع ساعتين فقط مع Type C .
• كاميرا سيلفي متميزة .
• تجديد سامسونج للسوفت وير و اضافة العديد من المميزات و الخصائص مع احدث نظام أندرويد 9.0 Pie.
• شاشة سوبر أمولد تقدم اداء مذهل مع ألوان رائعة.
• يمكنك استخدام كارت ذاكرة خارجي و شريحتين اتصال فى نفس الوقت.
• وزن الهاتف الخفيف مع انحناءات الظهر تجعله مريح فى المسك باليد الواحدة.
• مستشعر بصمة مدمج بالشاشة و هو أول واحد فى سلسلة ال A.

عيوب موبايل Samsung Galaxy A50

• بصمة الهاتف تقدم أداء بطيء مقارنتا بالمنافسين.
• الهاتف لا يدعم لمبة اشعارات و لكن تم التعويض عنها بأكثر من طريقة.
• ظهر الهاتف من البلاستيك .

سعر الموبايل كام ؟

هاتف SAMSUNG A50 :

• 5300 جنيه مصري للنسخة الوحيدة 128 جيجا بايت مع 4 جيجا بايت رام.

هاتف REDMI NOTE 7 :

• 3000 جنيه مصري 32 جيجا بايت مع 3 جيجا بايت رام.
• 3777 جنيه مصري 64 جيجا بايت مع 4 جيجا بايت رام.
• 4222 جنيه مصري للنسخة 128 جيجا بايت مع 4 جيجا بايت رام.

هذا الموضوع مفيد ايضا : Redmi Note 7 ريدمي نوت 7 ملك التفاصيل اشتريه ولا لا ؟

الزتونه اجيب مين ؟ ركز في الكلمتين دول

• شاومى ريدمي نوت 7 هتحس انك ماسك هاتف Premium لكنه متعب شوية فى الاستخدام بايد واحدة لمدة طويلة و للأسف فى بروز واضح للكاميرا الخلفية و حتى بعد وضع الجراب فيه بروز 2 الى 3 ملم, على عكس هاتف Samsung Galaxy A50 مصنوع من البولى كاربونيت البلاستيك المقوي مع Curves فى ظهر الهاتف بأبعاد 158.5*74.7*7.7 ملم مع وزن 166 جرام مما يجعله مريح و سهل فى الاستخدام فهو خفيف فى اليد الواحدة. ( 1– 1 )
• شاشة هاتف Samsung Galaxy A50 تأتي من نوع Super Amoled كما هو معتاد من سامسونج اما شاشة هاتف Xiaomi Redmi Note 7 تأتي من نوع IPS LCD بقياس 6.3 بوصة تعرض 16 مليون لون بدقة Full HD+ بجودة 1080*2340 بيكسل مع كثافة بيكسلات 409 بيكسل لكل بوصة بأبعاد 19.5:19 مع دعم حماية من نوع Corning gorilla glass 5 , الأفضليه هنا هتكون فى صالح شاشة السامسونج السوبر أمولد و الفرق هيكون واضح جدا لو استخدمت الاتنين مع بعض تتفوق شاشة ال A50 فى السطوع تحت الشمس و وضوح الألوان و دقة فى الرؤية دا غير ان حواف اللى حول الشاشة أقل شوية من الشاومي . ( 1 – 2 )
• صوت السماعة الخارجية فى الاتنين عالى لكن فى النوت 7 مجسم أكثر . ( 2 – 2 )
• معالج هاتف Samsung Galaxy A50 هو Exynos 9610 octa ثماني النواة يعمل بقوة تردد 4*2.3 جيجا هرتز Cortex A73 و 4*1.7 جيجا هرتز Cortex A53 بمعمارية 10 نانو اللى سجل 140232 نقطة فى اختبار Antutu مع معالج رسوميات و جرافيك Mali-G72 Mp3 , أما بالنسبة لهاتف Xiaomi Redmi Note 7 بمعالج Snapdragon 660 ثماني النواة يعمل بقوة تردد 4*2.2 جيجا هرتز Kyro 260 و 4*1.8 جيجا هرتز Kyro 260 بمعمارية 14 nm اللى سجل 144000 نقطة فى اختبار Antutu مع معالج رسوميات و جرافيك Adreno 512 .  النتيجة الان ( 3 – 3 )
• الاتنين بيجوا ببطارية 4000 مللي أمبير بنفس الاستخدام الشاومى استحمل 8 ساعات و السامسونج 7 ساعات ( شاشة مفتوحة ) طبعا فى اختلاف فى الاستخدام ما بين كل شخص و التانى لكن فى المجمل نقدر نقول ان البطارية هنا جيدة جدا فى الاتنين , اما بالنسبة لسرعة الشحن فى Xiaomi Redmi Note 7 بيدعم تقنية الشحن السريع Quick Charge 4 لكنه بيجي بشاحن 10 واط بيشحنها فى حوالى ساعتين و ثلث أما السامسونج الشاحن بقوة 15 واط و بيشحن البطارية فى حوالى ساعتين و الاتنين بمنفذ USB Type C.  النتيجة الان ( 4 – 4 )
• بالنسبة للمبة الاشعارات موجودة فى هاتف Xiaomi Redmi Note 7 أسفل الشاشة باللون الأبيض و الاشعارات بتظهر شوية و تختفي لحد ما يجيلك اشعار جديد ترجع تظهر تانى أما هاتف Samsung Galaxy A50 مفيش لمبة اشعارات بس فيه تعويض عنها عن طريق امكانية أن تقوم الشاشة بوميض أو اضاءة Flash فى حالة وصول اشعارات و اذا كان الهاتف موجود على سطح و الظهر لأعلى سوف يقوم فلاش الكاميرا الخلفية بهذه المهمة و ايضا عن طريق خاصية Always on display التى تعرض الاشعارات فور وصولها أو عن طريق ميزة تدعمها واجهة الهاتف و هى امكانية عمل تذكير أو Reminder فى حالة وصول اشعار من تطبيقات تحددها انت عن طريق اهتزاز وصوت رنين لذلك أما عن ظهور الاشعارات فهى تظهر جميعها فوق الشاشة و يمكنك تحديد عدد محدد من الاشعارات لتظهر كما يمكنك اختيار اذا نسبة البطارية تظهر أم لا و الاشعارات دايما ظاهرة جنب النوتش. ( 5 – 4 )
• الاتنين فيهم مستشعر بصمة الاصبع فى الشاومي موجود بظهر الهاتف و الذي يعمل بسرعة عالية زى الصاروخ لكن فى السامسونج البصمة مدمجة بالشاشة بتفتح فى خلال ثانيتين تقريبا. في راي البصمة في نوت 7 افضل ولكن في سامسونج وجود ميزة جديده وهي البصمة تحت الشاشة تجعلني اعطي نقطة لكل هاتف ( 6 – 5 )
• سعر السامسونج عند اعاده البيع سوف يكون افضل من شاومي ولكن اري على المدي البعيد سوف تتغير قواعد اللعبة وسوف ينتشر هاتف نوت 7 تحديدا ويعطي شهرة لشاومي في السوق مما سوف يساهم في الحفاظ على السعر ولهذا ايضا نري ان هذة النقطة ايضا سوف تنتهي بالتعادل . ( 7 – 6 )
• لو قارنا بين النسختين 128 جيجا بايت من الاتنين هنلاقي فيه فرق حوالى 1000 جنيه دا هيديك فى السامسونج شاشة أحسن لأنها سوبر أمولد و شاحن سريع و سماعات أذن فى العلبة وانتشار وسعر اعادة بيع افضل في السامسونج , ولكن ممكن تشتري سماعة + شاحن سريع بمجمل 500 جنية وتوفر 500 اخرة الفرق بين ساسمونج وشاومي … وهنا سامسونج متفوق بالامكانيات وشاومي بالسعر ( 8 – 7 )

النتيجة النهائية هي ( 8 – 7 )

الفارق بسيط جدا ويرجع لذوق واحتياج كل مستخدم بشكل مختلف عن الاخر ولكن النتيجة النهائية فوز Xiaomi Redmi Note 7 على موبايل Samsung Galaxy A50 . ماهو رايك انت ؟

تنبيه : موقع الجوالات aljawalat.com لا يضمن صحة هذه المواصفات والمعلومات والاسعار 100 في المائة , لذلك المرجو زيارة الموقع الرسمي للشركة من أجل التأكد من هذه المواصفات